Лукашэнка прысутнічаў на парадзе Перамогі на Краснай плошчы ў Маскве
![](https://blr.belta.by/images/storage/news/with_archive/2020/000019_1592984630_88817_big.jpg)
Прэзідэнт Беларусі Аляксандр Лукашэнка сёння разам з сынамі прысутнічаў у Маскве на ваенным парадзе, прысвечаным 75-годдзю Перамогі ў Вялікай Айчыннай вайне, перадае карэспандэнт БЕЛТА.
У ліку высокіх замежных гасцей, якія таксама прыбылі на парад, прэзідэнты Казахстана, Кыргызстана, Малдовы, Сербіі, Таджыкістана, Узбекістана, прадстаўнікі вышэйшых органаў улады некаторых іншых дзяржаў, паслы краін – саюзнікаў СССР па антыгітлераўскай кааліцыі. Былі запрошаны таксама кіраўнікі некаторых міжнародных арганізацый, у тым ліку старшыня калегіі Еўразійскай эканамічнай камісіі Міхаіл Мясніковіч і генеральны сакратар АДКБ Станіслаў Зась.
![](https://blr.belta.by/uploads/lotus/news/2020/000019_CBA72D32AB90A5D64325859100280A37_325006.jpg)
![](https://blr.belta.by/uploads/lotus/news/2020/000019_CBA72D32AB90A5D64325859100280A37_472091.jpg)
![](https://blr.belta.by/uploads/lotus/news/2020/000019_CBA72D32AB90A5D64325859100280A37_820911.jpg)
![](https://blr.belta.by/uploads/lotus/news/2020/000019_CBA72D32AB90A5D64325859100280A37_320285.jpg)
Акрамя расійскіх ваенных у парадзе прымаюць удзел прадстаўнікі 13 дзяржаў, у тым ліку па брусчатцы Краснай плошчы прамаршыруе група сцяганосцаў зводнай роты Ганаровай варты Міністэрства абароны Беларусі.
![](https://blr.belta.by/uploads/lotus/news/2020/000019_CBA72D32AB90A5D64325859100280A37_348029.jpg)
![Фота фотаслужбы Прэзідэнта Расійскай Федэрацыі Фота фотаслужбы Прэзідэнта Расійскай Федэрацыі](https://blr.belta.by/uploads/lotus/news/2020/000019_CBA72D32AB90A5D64325859100280A37_92292.jpg)
У Расіі парад з нагоды 75-годдзя Перамогі ў гэтым годзе быў перанесены з 9 мая з-за пандэміі каранавіруса. Прэзідэнт РФ выбраў дату 24 чэрвеня, таму што менавіта ў гэты дзень у 1945 годзе адбыўся гістарычны парад Пераможцаў. Па аналогіі цяперашняя ўрачыстасць была названа парадам Перамогі.
![](https://blr.belta.by/uploads/lotus/news/2020/000019_CBA72D32AB90A5D64325859100280A37_435535.jpg)
![Фота ТАСС Фота ТАСС](https://blr.belta.by/uploads/lotus/news/2020/000019_CBA72D32AB90A5D64325859100280A37_419931.jpg)
![](https://blr.belta.by/uploads/lotus/news/2020/000019_CBA72D32AB90A5D64325859100280A37_693893.jpg)
![](https://blr.belta.by/uploads/lotus/news/2020/000019_CBA72D32AB90A5D64325859100280A37_406344.jpg)
![](https://blr.belta.by/uploads/lotus/news/2020/000019_CBA72D32AB90A5D64325859100280A37_915235.jpg)
![](https://blr.belta.by/uploads/lotus/news/2020/000019_CBA72D32AB90A5D64325859100280A37_372707.jpg)
![](https://blr.belta.by/uploads/lotus/news/2020/000019_CBA72D32AB90A5D64325859100280A37_696027.jpg)
![](https://blr.belta.by/uploads/lotus/news/2020/000019_CBA72D32AB90A5D64325859100280A37_710820.jpg)
Як паведамлялася, у Беларусі ваенны парад у азнаменаванне 75-й гадавіны Вялікай Перамогі правялі 9 мая. У ім удзельнічалі каля 3 тыс. ваеннаслужачых і звыш 150 адзінак тэхнікі, у небе над Мінскам праляцелі 36 самалётаў і верталётаў. “Гэта свята для нас свяшчэннае. Трагедыя беларускага народа, які вынес на плячах тытанічны груз страт і разбурэнняў самай бязлітаснай вайны XX стагоддзя, непараўнальная ні з якімі цяжкасцямі сённяшняга дня”, – заявіў на ваенным парадзе Прэзідэнт Беларусі.
Напярэдадні візіту ў Маскву кіраўнік беларускай дзяржавы прыняў удзел у серыі памятных мерапрыемстваў. 20 чэрвеня з удзелам Аляксандра Лукашэнкі адкрылі мемарыяльны комплекс памяці спаленых вёсак Магілёўскай вобласці, які размешчаны ў вёсцы Боркі Кіраўскага раёна. На наступны дзень Прэзідэнт наведаў Светлагорскі раён, дзе адбылася цырымонія адкрыцця мемарыяльнага комплексу “Ала” на месцы спаленай у гады вайны нацыстамі вёскі. У дзень пачатку Вялікай Айчыннай вайны, 22 чэрвеня, кіраўнік дзяржавы зрабіў паездку ў Брэст. Аляксандр Лукашэнка наведаў Брэсцкую крэпасць, дзе па традыцыі ў час пачатку вайны прайшло памятнае мерапрыемства.
БЕЛТА