image_pdfimage_print

Жалязняк Віталь Ігнатавіч

Нарадзіўся 26 лістапада 1937 году ў вёсцы Уборкі Лоеўскага раёна Гомельскай вобласці. Сваю працоўную дзейнасць пачаў у 1955 годзе матарыстам радыёвузла калгаса імя Леніна Лоеўскага раёна. У 1962 годзе скончыў інстытут механізацыі сельскай гаспадаркі.

З 1964 года дзейнасць Віталя Ігнатавіча звязана з Гомельскім раёнам. Працаваў на розных кіруючых пасадах: 1966 – 1974 гады – старшыня калгаса «Бальшавік», 1974 – 1995 гады – старшыня калгаса імя Леніна.

Больш за дваццаць гадоў, з’яўляючыся кіраўніком гаспадаркі, Віталь Ігнатавіч унёс вялікі ўклад у яе развіццё. Па выніках Усесаюзнага Сацыялістычнага спаборніцтва з 1981 па 1985 гады калгас імя Леніна выходзіў пераможцам і ўзнагароджваўся пераходным Чырвоным Сцягам ЦК КПСС, Савета Міністраў СССР, ВЦСПС і ЦК ВЛКСМ. Калгас неаднаразова занесен на Усесаюзную Дошку Пашаны на ВДНХ.

За працоўныя поспехі Віталь Ігнатавіч Жалязняк узнагароджаны ордэнам Леніна, ордэнам «Знак Пашаны», ордэнам «Працоўнага Чырвонага Сцяга», медалём “За працоўную доблесць», срэбным медалём ВДНГ, юбілейным медалём “За доблесную працу” у азнаменаванне 100-годдзя з дня нараджэння У .І.Леніна, граматамі Вярхоўнага Савета БССР, граматамі аблвыканкама і райвыканкама. У 1986 годзе Жалезняку В.І. прысвоена званне Героя Сацыялістычнай Працы.

З 1995 па 2003 Жалязняк Віталь Ігнатавіч быў старшынёй Пакалюбіцкага сельскага выканаўчага камітэта.

З’яўляўся членам Савета старэйшын Гомельскага раёна.

Рашэннем Гомельскага раённага Савета дэпутатаў ад 05.12.2011 № 154 Жалезняку Віталю Ігнатавічу прысвоена званне «Ганаровы грамадзянін Гомельскага раёна».

Памёр 11 сакавіка 2012 года.


Кобрусеў Аркадзь Тарасавіч

Нарадзіўся 24 ліпеня 1937 году ў пасёлку Івашкова былога Уваравіцкага, а цяпер Буда-Кашалёўскага раёна Гомельскай вобласці. Сваю працоўную дзейнасць пачаў ў 1956 годзе калгаснікам калгаса імя Леніна Уваравіцкага раёна. Пазней працаваў інструктарам, сакратаром Уваравіцкага райкама ЛКСМБ. У 1963 годзе скончыў Беларускую сельскагаспадарчую акадэмію.

З 1964 года жыццё Аркадзя Тарасавіча звязана з Гомельскім раёнам. З чэрвеня 1964 года – інспектар-арганізатар Гомельскага вытворчага калгасна-саўгаснага ўпраўлення, з лютага 1965 года – намеснік начальніка ўпраўлення сельскай гаспадаркі Гомельскага райвыканкама, са снежня 1969 года – намеснік старшыні Гомельскага райвыканкама – начальнік упраўлення сельскай гаспадаркі, з кастрычніка 1979 году – дырэктар саўгаса «Брылёва» Гомельскага раёна.

Больш за трыццаць гадоў Аркадзь Тарасавіч узначальвае працоўны калектыў камунальнага сельскагаспадарчага ўнітарнага прадпрыемства «Брылёва». За гэтыя гады ён на справе даказаў грунтоўнасць буйнатаварнага калектыўнага вядзення сельскагаспадарчай вытворчасці. У складаных эканамічных умовах прадпрыемства ўстойліва дасягала высокіх вытворчых паказчыкаў.

У жніўні 1988 года за дасягнутыя поспехі ў павелічэнні вытворчасці сельскагаспадарчай прадукцыі на аснове інтэнсіўных тэхналогій і перадавых метадаў арганізацыі працы ў галінах земляробства і жывёлагадоўлі і за праяўленую працоўную доблесць А.Т.Кобрусеву прысвоена званне Героя Сацыялістычнай Працы. Аркадзь Тарасавіч узнагароджаны двума ордэнамі Леніна, двума ордэнамі «Працоўнага Чырвонага Сцяга», ордэнам «Знак Пашаны», юбілейным медалём “За доблесную працу” у азнаменаванне 100-годдзя з дня нараджэння У.І.Леніна, медалём “За асваенне цалінных земляў», Ганаровай граматай Нацыянальнага сходу Рэспублікі Беларусь. Аркадзь Тарасавіч з’яўляецца заслужаным работнікам сельскай гаспадаркі БССР.

Абіраўся членам Савета Рэспублікі Нацыянальнага сходу Рэспублікі Беларусь другога і трэцяга скліканняў.

Рашэннем Гомельскага раённага Савета дэпутатаў ад 05.12.2011 № 154 Кобрусеву Аркадзю Тарасавічу прысвоена званне «Ганаровы грамадзянін Гомельскага раёна».


Рычкоў Міхаіл Дзмітрыевіч

Нарадзіўся 21 студзеня 1924 года ў вёсцы Давыдзіха Татэмскага раёна Валагодскай вобласці.

Працоўную дзейнасць пачаў у 1941 годзе. Са жніўня 1942 па 1977 гады праходзіў службу ва Узброеных Сілах.

Міхаіл Дзмітрыевіч прайшоў шлях ад курсанта Пухавіцкага ваеннага пяхотнага вучылішча да намесніка камандзіра вайсковай часці. Пасля выхаду ў запас у званні палкоўніка 5 гадоў працаваў прарэктарам Гомельскага дзяржаўнага ўніверсітэта, з 1983 года старшынёй раённага камітэта ДТСААФ Гомельскага раёна. З 1987 года па люты 2011 года ўзначальваў Гомельскую раённую арганізацыю Беларускага грамадскага аб’яднання ветэранаў.

Рычкоў Міхаіл Дзмітрыевіч узнагароджаны двума ордэнамі «Чырвонай Зоркі», ордэнам «Айчыннай вайны 1 ступені», медалём “За баявыя заслугі”, медалём “За перамогу над Германіяй у Вялікай Айчыннай вайне 1941-1945 гадоў» і 27 юбілейнымі медалямі.

За дасягнутыя поспехі і асабісты ўклад у развіццё ветэранскага руху Гомельскага раёна і вобласці Рычкоў Міхаіл Дзмітрыевіч узнагароджаны ордэнам «Пашаны», ганаровымі граматамі абласнога і раённага выканаўчых камітэтаў, абласнога і раённага Саветаў дэпутатаў, абласнога Савета ветэранаў і абласнога ваеннага камісарыята.

Ветэран Вялікай Айчыннай вайны, палкоўнік у адстаўцы. «Ганаровы ветэран» абласнога Савета ветэранаў.

Рашэннем Гомельскага раённага Савета дэпутатаў ад 05.12.2011 № 154 Рычкову Міхаілу Дзмітрыевічу прысвоена званне «Ганаровы грамадзянін Гомельскага раёна».


 Маёраў Уладзімір Сяргеевіч

Нарадзіўся ў 1952 годзе ў горадзе Горкі Магілёўскай вобласці. У 1975 годзе скончыў Беларускую сельскагаспадарчую акадэмію. Працоўную дзейнасць у Гомельскім раёне Маёраў В.С. пачаў у 1975 годзе з пасады інструктара Гомельскага раённага камітэта Камуністычнай партыі Беларусі. Дзесяць гадоў кіраваў калектыўна – долевай гаспадаркай «Бабовіцкае». З 1999 па 2008 год працаваў старшынёй Гомельскага раённага выканаўчага камітэта. У 2008 годзе быў абраны дэпутатам Палаты прадстаўнікоў Нацыянальнага сходу Рэспублікі Беларусь чацвёртага склікання. З 2012 2013 год працаваў дырэктарам установы «Дом – інтэрнат для ветэранаў вайны, працы і інвалідаў« Васільеўка ».

За час працы паказаў сябе як кіраўнік высокай кваліфікацыі, з веданнем прагрэсіўных метадаў гаспадарання і прававых асноў яго вядзення, кампетэнтным у пытаннях кіравання і арганізацыі працы. Умеў працаваць на апярэджанне, знаходзіў і рэалізоўваў у сваёй дзейнасці баланс агульнадзяржаўных і рэгіянальных інтарэсаў. Шмат увагі надаваў развіццю вытворча – тэхнічнай базы раёна, выкананню дзяржаўных сацыяльных стандартаў.

За высокія паказчыкі ў рабоце Уладзімір Сяргеевіч узнагароджаны Ганаровай граматай Прэзідыума Вярхоўнага Савета Рэспублікі Беларусь (1996 г.), медалём “За працоўныя заслугі” (2004 г.), Ганаровай граматай Савета Міністраў Рэспублікі Беларусь (2006 г.).


Рубан Міхаіл Аляксандравіч

Нарадзіўся ў 1957 годзе ў вёсцы Мікалаеўка Краснагорскага раёна Бранскай вобласці. У 1980 годзе скончыў Беларускую сельскагаспадарчую акадэмію ў г. Горкі Магілёўскай вобласці. Сваю працоўную дзейнасць у Гомельскім раёне Рубан М.А. пачаў у 1986 годзе галоўным аграномам калгаса «Чырвоны сцяг», а з 1996 года па 2003 год узначальваў гэтае прадпрыемства. З 2007 года па цяперашні час – дырэктар ААТ «Сцяг Радзімы». Рубан М.А. – дасведчаны кіраўнік, пісьменны спецыяліст, які валодае высокімі арганізатарскімі здольнасцямі. За перыяд яго кіраўніцтва гаспадарка дамаглася высокага росту вытворчасці прадукцыі раслінаводства і жывёлагадоўлі.

Міхаіл Аляксандравіч назапасіў вялікі вопыт працы з людзьмі, жыве патрэбамі і клопатамі працаўнікоў вёскі. Шмат робіць для паляпшэння быту работнікаў, добраўпарадкавання вытворчых тэрыторый, паляпшэння ўмоў працы.

За дасягненне высокіх паказчыкаў у працы Рубан М.А. узнагароджваўся Ганаровымі граматамі Міністэрства сельскай гаспадаркі Рэспублікі Беларусь, Гомельскага райвыканкама, упраўлення сельскай гаспадаркі і харчавання райвыканкама. У 2013 годзе ўзнагароджаны медалём “За працоўныя заслугі”, у 2014 годзе Міхаілу Аляксандравічу было прысвоена ганаровае званне “Чалавек года” ў Гомельскай вобласці ў намінацыі «Чалавек на зямлі», па выніках працы за 2015 год занесены на Дошку гонару Гомельскага раёна як “Лепшы кіраўнік сельскагаспадарчай арганізацыі “.

З’яўляецца дэпутатам Гомельскага раённага Савета дэпутатаў 27 склікання, дэпутат Маркавіцкага сельскага Савета дэпутатаў 27 склікання.


Шчарбін Раіса Васільеўна

Нарадзілася ў 1946 годзе ў вёсцы Тунеўшчына Хойніцкага раёна Гомельскай вобласці. У 1966 годзе скончыла Мазырскі педагагічны інстытут ім. Н.К.Крупскай, у 1973 годзе – Мінскі дзяржаўны педагагічны інстытут замежных моў.

Працоўную дзейнасць у Гомельскім раёне пачала ў 1966 годзе настаўнікам матэматыкі, затым намеснікам дырэктара і дырэктарам Рудня – Марымонаўскай васьмігадовай школы. З 1973 па 1986 год працавала метадыстам раённага вучэбна – метадычнага кабінета Гомельскага раённага аддзела адукацыі, інструктарам арганізацыйнага аддзела Гомельскага раённага камітэта камуністычнай партыі Беларусі, намеснікам старшыні Гомельскага райвыканкама, з 1987 года па 1988 год – намеснік дырэктара па вучэбна – выхаваўчай рабоце Раманавіцкай сярэдняй школы, з 1988 па 2003 год – дырэктар Брылёўскай сярэдняй школы, з 2003 года па цяперашні час – настаўнік нямецкай мовы ДУА «Брылёўская сярэдняя школа».

За перыяд сваёй прафесійнай дзейнасці зарэкамендавала сябе як вопытны і таленавіты педагог, настаўнік вышэйшай кваліфікацыйнай катэгорыі.

Вучні Раісы Васільеўны пастаянна прымаюць удзел у інтэлектуальных конкурсах, прадметных алімпіядах. З 2007 года яны 14 разоў з’яўляліся пераможцамі трэцяга этапу рэспубліканскай і абласной алімпіяд па нямецкай мове сярод вучняў 4-9 класаў, на працягу апошніх двух гадоў – пераможцы заключнага этапу рэспубліканскай алімпіяды па вучэбным прадмеце “Нямецкая мова», штогод – пераможцы абласнога конкурсу па замежных мовах “Мастацтва гаварыць».

Дзякуючы мэтанакіраванай рабоце Шчарбін Р.В., Брылёўская школа ў 2016 годзе ўключана ў міжнародны праект Германскай службы школьнай адукацыі на атрыманне дыплома, які пацвярджае высокі ўзровень валодання нямецкай мовай.

Высокая рэзультатыўная дзейнасць Раісы Васільеўны неаднаразова адзначалася аддзелам адукацыі, спорту і турызму Гомельскага райвыканкама, упраўленнем адукацыі Гомельскага аблвыканкама, Міністэрствам адукацыі Рэспублікі Беларусь. Мае нагрудны знак Міністэрства адукацыі «Выдатнік адукацыі». З’яўляецца членам Савета старэйшын Гомельскага раёна.

Імя Раісы Васільеўны Шчарбін занесена ў раённую Кнігу гонару “Зоркі і таленты адукацыі» ў намінацыі «Зорны шлях».

Памерла 15 лістапада 2021 года.

____________________________________________________________________________________

Шундзікаў Віктар Паўлавіч

Нарадзіўся 2 чэрвеня 1960 года ў В. Уладзіміраўка Буда-Кашалёўскага раёна Гомельскай вобласці.

У 1976 годзе паступіў у Гомельскі політэхнічны тэхнікум і ў той жа час пачаў займацца барацьбой самба ў Заслужанага трэнерассср Пліско Віктара Анатольевіча. У 1980 годзе выканаў нарматыў “майстар спорту СССР”.

З красавіка 1980 года, пасля заканчэння тэхнікума, працаваў інструктарам-метадыстам па вытворчай гімнастыцы ў саўгасе-камбінаце «Сож» і па сумяшчальніцтве трэнерам-выкладчыкам па самба ў ДФСО «Ураджай».

У 1986 годзе скончыў Гомельскі дзяржаўны ўніверсітэт па спецыяльнасці “фізічнае выхаванне”.

З мая 1990 года прызначаны старшынёй Савета КФК саўгаса-камбіната “Сож”.

Віктар Паўлавіч з’яўляецца адным з заснавальнікаў спартыўнага комплексу ў аграгарадку Новая Гута Гомельскага раёна, у цяперашні час–Установа ” Спецыялізаваная дзіцяча-юнацкая школа алімпійскага рэзерву Гомельскага раёна», дырэктарам якой прызначаны з мая 1992 года.

Віктар Паўлавіч уносіць вялікі ўклад у развіццё фізічнай культуры і спорту ў Гомельскім раёне. Дзякуючы Віктару Паўлавічу з 1993 года ў аграгарадку Новая Гута сталі штогод праводзіцца прэстыжныя спаборніцтвы, у тым ліку і міжнароднага ўзроўню, а школа атрымала прызнанне і аўтарытэт у спартыўным свеце. Пад яго граматным кіраўніцтвам навучэнцы і выхаванцы школы дабіваюцца высокіх спартыўных вынікаў на спаборніцтвах розных узроўняў. Сярод выхаванцаў і навучэнцаў спартыўнай школы-удзельнік XXVIII летніх Алімпійскіх гульняў 2004 года ў Афінах (Грэцыя) і XXIX летніх Алімпійскіх гульняў 2008 года ў Пекіне (Кітай), 1 Заслужаны майстар спорту Рэспублікі Беларусь, 4 майстры спорту міжнароднага класа па барацьбе самба, дзюдо, прызёры сусветных і еўрапейскіх чэмпіянатаў і першынстваў, больш за 20 майстроў спорту Рэспублікі Беларусь, больш за 40 кандыдатаў у майстры спорту. За перыяд з 1999 па 2021 год лепшыя спартсмены ўстановы “СДЮШАР Гомельскага раёна” ўнеслі ў скарбонку Рэспублікі Беларусь больш за 150 медалёў Сусветнага і еўрапейскага ўзроўню.

За шматгадовую плённую працу, высокі прафесіяналізм і значны ўклад у падрыхтоўку спартыўнага рэзерву і спартсменаў высокага класа Шундиков В. П. неаднаразова ўзнагароджваўся Ганаровымі граматамі Міністэрства спорту і турызму Рэспублікі Беларусь, Гомельскага абласнога выканаўчага камітэта, Гомельскага раённага выканаўчага камітэта;падзячнымі лістамі і ганаровымі граматамі аддзела спорту і турызму Гомельскага раённага выканаўчага камітэта і ўпраўлення фізічнай культуры, спорту і турызму Гомельскага абласнога выканаўчага камітэта.

У 2007 годзе Указам Прэзідэнта Рэспублікі Беларусь Віктар Паўлавіч быў узнагароджаны медалём «За працоўныя заслугі». У 2008 годзе за значны ўклад у сусветнае развіццё самба узнагароджаны “бронзавым медалём ФІАС”.

У 2016 годзе Шундикову В. П. прысвоена званне “Заслужаны трэнер Рэспублікі Беларусь”.

Рашэннем Гомельскага раённага Савета дэпутатаў ад 25 лістапада 2021 года № 317 Шундзікаву Віктару Паўлавічу прысвоена званне»Ганаровы грамадзянін Гомельскага раёна”.

_____________________________________________________________________________________

Такарэўскі Вячаслаў Аркадзьевіч

Нарадзіўся 7 верасня 1948 года ў горадзе Пирятин, Палтаўскай вобласці, Украіна, па нацыянальнасці руская. Сваю працоўную дзейнасць пачаў у 1966 годзе ў якасці слесара-рамонтніка завода “Гомсельмаш”. З 1967 па 1969 гады служыў у шэрагах савецкай арміі. У 1975 годзе скончыў Беларускі інстытут інжынераў чыгуначнага транспарту па спецыяльнасці «Будаўніцтва жалезных дарог, пуць і пуцявая гаспадарка». З 1975 па 1987 гады працаваў у будаўнічых арганізацыях Гомельскай вобласці (майстар, прараб, галоўны інжынер, начальнік).

Працоўную дзейнасць у Гомельскім раёне Вячаслаў Аркадзьевіч пачаў у 1987 годзе на пасадзе намесніка старшыні капітальнага будаўніцтва калгаса “1 траўня”. Чатырнаццаць гадоў працаваў намеснікам старшыні Гомельскага райвыканкама, трыццаць чатыры гады ўзначальвае будаўнічую галіну раёна. Пад яго кіраўніцтвам пабудавана 18 пасёлкаў для перасяленцаў з забруджаных раёнаў вобласці пасля аварыі на ЧАЭС, 8 школ, ФАПы, амбулаторыі, раённую паліклініку, участковыя бальніцы ў прыбытках і бярозках, жывёлагадоўчыя фермы ў чырвоным, Урыцкім, Глыбоцкім, Клімаўцы, жыллё — больш за 1334 тыс. м2. Усе цэнтральныя сядзібы сельгаспрадпрыемстваў раёна былі звязаны з абласным цэнтрам дарогамі з цвёрдым пакрыццём.

Вядзе актыўную грамадскую працу. Неаднаразова абіраўся дэпутатам абласнога і раённага саветаў дэпутатаў. З’яўляецца членам Гомельскага раённага Савета ветэранаў і членам Савета старэйшын Гомельскага раёна. Карыстаецца заслужаным аўтарытэтам у будаўнікоў, ветэранаў і насельніцтва.

За высокія паказчыкі ў працы Вячаславу Аркадзьевічу прысвоена званне “Заслужаны будаунік Рзспублікі Беларусь”, узнагароджаны нагруднымі знакамі Саюза Будаўнікоў Рэспублікі Беларусь “За заслугі ў будауніцтве” і Міністэрства архітэктуры і будаўніцтва Рэспублікі Беларусь “Ганаровы будаунік”, а так жа Ганаровымі граматамі Гомельскага аблвыканкама, Гомельскага райвыканкама, ДП “Гомельскае абласное УКБ”.

Рашэннем Гомельскага раённага Савета дэпутатаў ад 25 лістапада 2021 г. №317 Токараўскаму Вячаславу Аркадзьевічу прысвоена званне»Ганаровы грамадзянін Гомельскага раёна”.

_______________________________________________________________________________________