Вясновая дажджлівая раніца, на гадзінніку 9.00 ,на градусніку + 3, а члены студатрада “Маланка” – ужо на працоўным месцы. Пры выглядзе гэтай карціны ў галаву прыходзяць радкі з вядомай песні « ” што мне снег, што мне спёка, што мне дожджык праліўны, калі мае сябры са мной!”Нягледзячы на неспрыяльныя ўмовы надвор’я, школьнікі працуюць весела і з энтузіязмам, а на ўчастку для працы пануе сяброўская атмасфера. Па словах настаўніка фізікі Галавінскай сярэдняй школы Рамана Ганчарова, агульная праца па пасадцы саджанцаў елі за некалькі дзён працы вельмі зблізіў дзяцей з розных класаў:

– Нягледзячы на тое што многія хлопцы ўстаюць у 6 раніцы і толькі да 9 дабіраюцца да лясніцтва, дзеці з энтузіязмам едуць на працу, нават ніхто не скардзіцца на стомленасць і раннія ўздымы. Трапіць у гэты атрад хацелі многія, але не ўсе змаглі гэта зрабіць па медыцынскіх паказаннях. Таму кожны, хто атрымаў гэтую працу, ставіцца да яе адказна.

У атрадзе “Маланка”, названым у гонар савецкага военачальніка, генерал-лейтэнанта Івана Хабарава, сабралася 25 дзяцей з розных класаў і паралеляў. Капітан атрада-паўналетні студэнт Гомельскага дзяржаўнага ўніверсітэта імя Францыска Скарыны Цімафей Каравай:

– У кожным студэнцкім атрадзе павінен быць адзін паўналетні, які выконвае абавязкі капітана атрада і арганізоўвае працу малодшых таварышаў. Я ўпершыню прымаю ўдзел у студатрадаўскім руху. Для мяне гэта вельмі цікавы вопыт. Сумесны праца аб’яднаў хлопчыкаў і дзяўчынак розных узростаў. Хоць я і старэй многіх хлопчыкаў і дзяўчынак, але гэта не перашкаджае нам наладжваць прыяцельскія адносіны. Я адчуваю сябе іх настаўнікам ў нейкіх пытаннях. Многія хлопцы хочуць пасябраваць і прыслухоўваюцца да мяне, а гэта накладвае свайго роду адказнасць.

Члены атрада “Маланка” займаюцца пасадкай саджанцаў елкі ў Грабаўскім лясніцтве. За кожны гектар лесу плануецца, што лясніцтва заплаціць ім па 250 рублёў на атрад. За першыя два дні працы дзеці пасадзілі больш за 2 гектараў лесу. Усяго школьнікі будуць працаваць 10 дзён па 4 гадзіны. Многія дзеці адзначылі, што праца лесаводам ім падабаецца і, нягледзячы на цяжкія ўмовы надвор’я, яны задаволеныя падпрацоўкай на канікулах:

– Мне падабаецца саджаць дрэвы. Мы бярэм высадак, апускаем у лунку і закрываем каранёвую сістэму зямлёй. На першы погляд гэты працэс здаецца лёгкім, але на справе, як і ў любой працы, там ёсць свае тонкасці. Мне прыемна, што калі-небудзь на месцы, дзе я працаваў, вырасце хвойны лес. Я сур’ёзна падумваю пра тое, каб звязаць жыццё з прафесіяй лесавода, — распавёў навучэнец 9 «А» класа Галавінскай сярэдняй школы Павел Чыркоў.

Як заключыла першы сакратар Гомельскага раённага камітэта ГА “БРСМ” Марыя Міхалевіч, падрыхтоўка да летняга працоўнага сезона ўжо ідзе поўным ходам:

– У кожнай школе раёна ўжо на сённяшні дзень ёсць ахвотныя падзарабіць летам. Нямала сярод іх і тых, хто не першы год выказвае жаданне стаць часткай студэнцкага атрада. Па плане на летні сезон ГА “БРСМ” працаўладкуе 190 чалавек у лясніцтва і на прадпрыемствы Гомельскага раёна. Школьніку бывае цяжка знайсці працу самастойна, а моладзевая арганізацыя заўсёды рада дапамагчы хлопцам, якія жадаюць праводзіць час з карысцю.

Дар’я Драбышэўская. Фота Дар’і КАЙМОВІЧ