Дзень абароны дзяцей у Гомельскім раёне сёлета адзначаны важнай і доўгачаканай падзеяй: ва ўрочышчы Чонкі адбылося ўрачыстае адкрыццё дзяржаўнай установы адукацыі «Яслі-сад «Вясёлка-град».

Новае дашкольную ўстанову, якое размясцілася ў адным з рэканструяваных спальных карпусоў аздараўленчага лагера «Чэнкоўскі бор», называюць унікальным аб’ектам ва ўнікальным месцы. Тут на самым высокім узроўні забяспечаны ўмовы для ўсебаковага развіцця дзяцей, а месца, у якім размешчаны яслі-сад, славіцца маляўнічай прыродай і гаючым паветрам.

Ва ўрачыстым адкрыцці аб’екта дашкольнай адукацыі прынялі ўдзел старшыня Гомельскага абласнога выканаўчага камітэта Генадзь Салавей, старшыня Гомельскага раённага выканаўчага камітэта Алена Алексіна, член Савета Рэспублікі Нацыянальнага сходу Рэспублікі Беларусь Таццяна Абель, прадстаўнікі будаўнічых арганізацый, грамадскіх аб’яднанняў, прадпрыемстваў-мецэнатаў, жыхары пасёлка Чонкі.

— Сёння важная падзея ў жыцці Гомельскага раёна: адкрыццё новага дзіцячага сада. Сімвалічна, што яно адбылося ў Дзень абароны дзяцей — адзначыў старшыня аблвыканкама Генадзь Салавей. — Пасёлак Чонкі можна лічыць спадарожнікам горада Гомеля, жыллёвае будаўніцтва тут будзе развівацца, таму ў хуткай будучыні запланавана рэканструкцыя яшчэ двух карпусоў аздараўленчага лагера пад дашкольную ўстанову.

У падарунак ад абласнога выканаўчага камітэта яслі-сад «Вясёлка-град» атрымаў сертыфікат на набыццё аўтобуса, ад раённага выканаўчага камітэта-сертыфікат на ўмацаванне матэрыяльна-тэхнічнай базы.

Старшыня Гомельскага райвыканкама Алена Алексіна сардэчна падзякавала ўсім, хто працаваў над рэалізацыяй гэтага важнага праекта і ўручыла падзячныя лісты будаўнічым арганізацыям, спонсарам і лепшым работнікам, якія прымалі ўдзел у рэканструкцыі.

Усе прысутныя на цырымоніі адкрыцця былі запрошаны на экскурсію па выдатнаму дашкольнай установе пад назвай «Вясёлка-град».