Ніводны зварот грамадзян не павінен застацца без належнага разгляду, заявіла старшыня Савета Рэспублікі Наталля Качанава ў час пасяджэння Прэзідыума верхняй палаты парламента па выніках работы са зваротамі грамадзян у першым паўгоддзі, паведамляе карэспандэнт БЕЛТА.

“Ніводны зварот грамадзян, што паступае ў Савет Рэспублікі, не павінен застацца без належнага разгляду. Сярод паступаючых у Савет Рэспублікі зваротаў грамадзян няма і не будзе накіраваных “не па кампетэнцыі”. Кожны зварот, што паступае ў Савет Рэспублікі, павінен быць разгледжаны належным чынам. Калі людзі не будуць знаходзіць адказы на хвалюючыя іх пытанні, яны страцяць давер да ўлады”, – сказала Наталля Качанава.

У першым паўгоддзі Саветам Рэспублікі разгледжана больш за 2 тыс. зваротаў. Найбольшая колькасць пісьмовых зваротаў у першым паўгоддзі паступіла з Мінска (550), найменшая – з Гродзенскай вобласці (53).

За сем месяцаў дзейнасці Савета Рэспублікі сёмага склікання ў верхнюю палату парламента паступіла каля 2,5 тыс. зваротаў. Што датычыцца тэматыкі, то на працягу апошніх гадоў яна застаецца нязменнай: гэта пытанні адносна ЖКГ, землеўпарадкавання і землекарыстання, сацыяльнага і пенсійнага забеспячэння, аховы здароўя, будаўніцтва, падаткаабкладання.

На асаблівым кантролі – арганізацыя асабістых прыёмаў як у рэгіёнах, так і ў Савеце Рэспублікі, а таксама правядзенне прамых тэлефонных ліній, у тым ліку тэматычных. У першым паўгоддзі праведзена 10 такіх прамых тэлефонных ліній, 40 асабістых прыёмаў грамадзян, у час якіх звярнуліся 413 чалавек.

Наталля Качанава падкрэсліла: неабходна дасканала аналізаваць усе звароты грамадзян, што дасць магчымасць выяўляць сістэмныя недахопы, якія сведчаць аб магчымых прабелах у заканадаўстве або аб недапрацоўках на месцах.

БЕЛТА