Раніцай 2 траўня ў Гомельскі РАУС паступіла паведамленне ад супрацоўніка Гомельскай міжраённай інспекцыі аховы жывёльнага і расліннага свету аб тым, што ў раёне ракі Уць паблізу аграгарадка Церашковічы, ім быў заўважаны браканьер, паведамляе УУС Гомельскага аблвыканкама.

На паведамленне выбыла следча-аператыўная група Гомельскага РАУС. Па прыбыцці на месца здарэння, міліцыянты затрымалі 75-гадовага мясцовага жыхара. Пры сабе ў мужчыны было выяўлена 2 рыбалоўныя сеткі і звыш 11 кг незаконна здабытай рыбы. Агульная сума шкоды навакольнаму асяроддзю склала звыш 4 тысяч беларускіх рублёў (126 базавых велічынь).

Следчымі па факце незаконнай здабычы рыбы ўзбуджаная крымінальная справа па частцы 2 артыкула 281 КК Рэспублікі Беларусь. Браканьеру пагражае пакаранне штрафам, або арыштам, або абмежаваннем волі на тэрмін да двух гадоў, або пазбаўленнем волі на тэрмін да трох гадоў.

Крыніца gomel.mvd.gov.by