Для гасцей VII Міжнароднага фестывалю этнакультурных традыцый “Кліч Палесся” арганізатары падрыхтавалі шмат цікавага, дзе спляліся старажытнасць і сучаснасць, так што ўсе, хто прыехаў сёння ў Ляскавічы, знаўшоў для сябе шмат цікавага.
Напрыклад, можна было паназіраць за старажытным рыцарскім паядынкам альбо сучасным водным флайбород шоў, наведаць падворкі раёнаў Гомельшчыны і Берасцейшычыны, дзе руплівыя гаспадары прэзентавалі розныя рамёствы, і адначасова самому паспрабаваць зрабіць невялікі сувенір сваімі рукамі.
Сваю творчасць у Ляскавічах прадставілі і нашы землякі: кіраўнік Цэнтра рамёстваў Гомельскага раёна Алена Дудкина, кіраўнік клуба дэкаратыўна-прыкладной творчасці Яна Анціпенка и майстар з вёскі Лапаціна Святлана Корбут.
Усе, хто наведаў Ляскавічы, атрымаў вялікае задавальненне ад таго, што там адбывалася. Народныя тэхнікі, майстар-класы і прыгожыя рэчы, зробленыя рамеснікамі ў “Горадзе майстроў”, песні і танцы жыхароў палескіх вёсак (якія расцягнуліся амаль на тры кіламетры), сакрэты народных страў гасцінных палешукоў нікога не пакінулі раўнадушным.
На фестывалі выступілі заслужаны калектыў Рэспублікі Беларусь, фальклорная група “Купалінка” з Мінску, фальклорны ансамбль славянскай песні “Збіцень” Гомельскай абласной філармоніі, ансамбль казацкай песні і танца з Мінску “Маме нравится”, аматарскія калектывы раёнаў Прыпяцкага Палесся. Сярод гасцей свята, якія парадавалі гледачоў сваёй творчасцю, быў і калектыў з расійскай Пензы — фольк-гурт “Зазноба”.
Госці свята з задавальненнем слухалі выступленні пераможцаў першага адкрытага конкурсу “КаверХорШоў” і хваляваліся за ўдзельніц Міжрэгіянальнага конкурсу прыгажосці і грацыі “Палеская прыгажуня”, які праводзіцца ў юбілейны, 5-ты раз.
Яркае свята завершыцца ў 22 гадзіны на набярэжнай ракі Прыпяць, дзе адбудзецца феерверк.
Ірына Грамыка. Фота аўтара. Текст взят с сайта https://sozhnews.by
Сообщить об опечатке
Текст, который будет отправлен нашим редакторам: